Mbrëmjen e së martës të gjithë shqiptarët do të jenë sy e veshë në Prishtinë ku Kosova do të presë Turqinë në një finale që vlen një biletë për në Botëror.
Në prag të ndeshjes vijnë lajme pozitive për Kosovën, pasi Turqia mund të përballet me mungesa. Dy nga yjet e saj Hakan Calhanoglu e Merih Demiral ka gjasa të mungojnë.
Të dy futbollistët kanë probleme me lëndimet dhe nuk janë stërvitur të shtunën me skuadrën.
Siç raporton HT Sport, ka më shumë shpresë që ylli i Interit të rikthehet, por gjasat janë tepër të ulëta për Demiral.
