Kreu i PD-së, Sali Berisha këtë të shtunë në një bashkëbisedim me qytetarët në rrjetin e tij facebook, foli sërish për rritjen e naftës dhe 60% të taksës që ka vendosur qeveria mbi të.
Berisha tha se Edi Rama taton naftën në Shqipëri me 1.1 euro për litër si në asnjë vend tjetër të botës, sipas kryedemokratit kjo është krejtësisht absurde.
Ndër të tjera Berisha tha se rritja e naftës nuk ndikon vetëm tek ata që kanë makinat por edhe më gjerë, tek buka dhe transporti.
“Shqipëria ka taksën më të lartë për naftën, ndaj përgjysmimi i taksave të karburantit është çështje emergjente. Rritja e naftës ka krijuar dhimbje të madhe dhe kjo është një ndëshkim për qytetarët”, shprehet Berisha.
