Ujësjellës Kanalizime Rajoni Vlorë njofton se ditën e martë do të ketë ndërprerje të furnizimit me ujë në disa zona të qytetit për shkak të punimeve të lidhjes së rrjetit të ri me atë ekzistues.
Zona që do të preken nga ndërprerjet janë: Lungomare, Lagjja “24 Maji”, Lagjja “1 Maji” dhe disa zona bregdetare si Uji i Ftohtë, Lungomare, 10 Korriku, Kalaja, Jonufra.
Ndërprerja do të nisë pasdite dhe do të rikthehet në normalitet gjatë mëngjesit të së mërkurës.
Autoritetet kërkojnë mirëkuptimin e qytetarëve për shkak të punimeve në kuadër të projektit të ujësjellësit.
