Kryetari i PD-së, Sali Berisha nga selia blu kërkoi nga qeveria që të ulë taksimin për karburantin dhe të shpallë paketë masash për shtresat në nevojë për biznesin e vogël për t’i kompensuar.
“Një kg domate shitet të paktën 7 herë më shtrenjtë se 7-8 vite më parë. Në këtë kuadër është e domosdoshme ulja e ngarkesës fiskale për litrin e naftës në nivelin e vendeve përreth, si Maqedonia dhe Kosova, që është pothuajse më i ulët se në Shqipëri.
Cdo manovër tjetër është në favor të arkës së Shqipërisë. Nga rritja e çmimit të naftës qeveria ka akumuluar rreth 80 milionë euro në vit. Asnjë qindarkë e tyre nuk është shpërndarë as për pensionistët. Krahas përgjysmimit të taksimit të naftës. Ulja duhet të jetë me urgjencë. Gjithashtu shtresat në nevojë, bizneset e vogla të marrin kompensimin e tyre për rritjen e çmimit të naftës” tha ai.
