Ish-presidenti francez, Nicolas Sarkozy, ka mbrojtur pafajësinë e tij gjatë një seance dëgjimore në Paris, duke mohuar akuzat se fushata e tij presidenciale e vitit 2007 u financua nga regjimi i Libisë.
Ai u shpreh se asnjë fond nga Libia nuk kishte kontribuar në kampanjën e tij dhe e cilësoi akuzën si të motivuar politikisht.
“Unë jam i pafajshëm,” deklaroi Sarkozy, i cili është dënuar me pesë vjet burg për akuzat për komplot kriminal lidhur me marrjen e fondeve nga regjimi i Gadafit.
Ai gjithashtu e mohoi çdo lidhje financiare ose politike me diktatorin libian dhe theksoi se ndërhyrja ushtarake perëndimore në Libi ishte bërë për të mbrojtur protestuesit pro-demokracisë.
Gjyqi i apelit, që ka filluar muajin e kaluar, do të shqyrtojë provat dhe dëshmitë përfshirë ato të dhëna nga të bashkëpandehurit, mes të cilëve janë edhe tre ish-ministra.
