Presidenti amerikan Donald Trump tha në një postim se Shtetet e Bashkuara synojnë të bashkëpunojnë ngushtë me Iranin, duke pretenduar se SHBA-të kanë përcaktuar se Teherani ka pësuar “një ndryshim regjimi që do të jetë jashtëzakonisht produktiv”.
Sipas asaj që ai vuri në dukje, nuk do të ketë pasurim uraniumi, ndërsa SHBA-të, në bashkëpunim me Teheranin, do të vazhdojnë me heqjen e materialit që ai e përshkroi si “pluhur bërthamor”, i cili është varrosur në thellësi të madhe, duke iu referuar edhe bombarduesve B-2.
Ai theksoi se zona është, dhe gjithmonë ka qenë, nën mbikëqyrje shumë të rreptë satelitore , duke vënë në dukje se nuk ka pasur ndryshime që nga dita e sulmit.
Në të njëjtën kohë, ai tha se po zhvillohen bisedime me Iranin për të lehtësuar tarifat dhe sanksionet, si pjesë e një marrëveshjeje që përfshin 15 pika, nga të cilat, siç pretendoi ai, disa prej tyre janë rënë dakord tashmë.
“Çdo vend që furnizon armë Iranin do t’i nënshtrohet menjëherë një tarife prej 50% për të gjitha mallrat e shitura Shteteve të Bashkuara, që hyn në fuqi menjëherë”, shtoi presidenti amerikan në një postim tjetër në Twitter.
