Prokuroria e Fierit ka dërguar për gjykim punonjësin e Policisë së Njësisë së Posaçme “Shqiponja”, Brian Dëma, i cili akuzohet për shpërdorim detyre dhe shtytjen e një të mituri për shitje lëndësh narkotike.
Hetimet kanë provuar se Dëma, duke shfrytëzuar varësinë dhe vështirësitë e një të mituri, E.H., e rekruton atë për të ndihmuar në shitjen e narkotikëve.
Dëma, duke e njohur situatën e E.H. dhe duke abuzuar me autoritetin e tij si punonjës policie, e përdori të miturin për veprime të paligjshme, duke cënuar rëndë rendin publik dhe interesat e shtetit.
