Para ndeshjes së kampionatit ndaj Celta Vigos, trajneri i Barcelonës, Hansi Flick, bëri thirrje për përqëndrim nga skuadra e tij.
Ai theksoi se, megjithë avantazhin aktual, kampionati është ende i gjatë dhe asgjë nuk ka përfunduar.
“Nuk mbaj mend si është në Gjermani, ishte gjatë Covid-it. Më vjen keq. Duhet ta marrim hap pas hapi. Gjëja e rëndësishme është ndeshja tjetër dhe ajo pas saj”, u shpreh Flick.
Ai gjithashtu foli për rivalët e Real Madridit, të cilët, sipas tij, do të luftojnë gjithashtu për titull, por për momentin, fokusi i tij mbetet tek ndeshja që vjen. “Liga nuk ka mbaruar ende dhe duhet ta fitojmë sa më shpejt që është e mundur,” tha trajneri i Barcelonës.
