Reshjet e dendura të shiut në Lezhë kanë shkaktuar probleme në disa lagje, veçanërisht në “Besëlidhja” dhe “Skënderbeg”, ku mbingarkesa e kanalizimeve ka sjellë përmbytje.
Banorët ankohen se kjo është një situatë që përsëritet çdo vit.
Nënkryetari i Bashkisë, Fatjon Zefi, ka njoftuar se po realizohen ndërhyrje për përmirësimin e sistemit të kanalizimeve, që pritet të japin zgjidhje afatgjatë.
Pas ndërprerjes së reshjeve, niveli i ujit ka rënë dhe lëvizja është normalizuar.
