Kryeministri britanik Keir Starmer paralajmëroi se situata ekonomike në vend nuk do të “kthehet në normalitet” edhe pasi të rihapet Ngushtica e Hormuzit.
Ai u përpoq të sinjalizojë se e kupton pakënaqësinë e qytetarëve, duke theksuar se ekonomia britanike ka ngecur në vend për gati dy dekada.
Kreu i qeverisë bëri këto deklarata teksa u pyet për ndikimin ekonomik të luftës SHBA-Izrael kundër Iranit.
Teherani ka bllokuar transportin detar në Ngushticën e Hormuzit që në ditët e para të konfliktit, ndërsa SHBA-ja ka reaguar me bllokim të tankerëve që hyjnë në portet iraniane.
Kjo rrugë detare, përmes së cilës kalon rreth një e pesta e naftës globale, është jetike për ekonominë botërore dhe bllokimi i saj ka shkaktuar pasoja të rënda në shumë vende.
Ai theksoi se po punon për të rihapur Ngushticën e Hormuzit përmes një koalicioni ndërkombëtar së bashku me presidentin francez Emmanuel Macron, por paralajmëroi se edhe pas rihapjes, situata nuk do të normalizohet menjëherë.
