Trajneri brazilian Sylvinho ka konfirmuar përfundimin e periudhës së tij me Kombëtaren e Shqipërisë, duke falënderuar stafin, lojtarët dhe tifozët për mbështetjen gjatë gati tre viteve e gjysmë.
“Besoj se kemi bërë përparim të konsiderueshëm me Kombëtaren shqiptare dhe jam shumë mirënjohës ndaj Presidentit, stafit të federatës, stafit të trajnerëve, të gjithë lojtarëve që ishin me ne gjatë gjithë këtij udhëtimi dhe mbështetësve të zjarrtë të ekipit kombëtar,” tha Sylvinho në videomesazhin e tij.
Trajneri gjithashtu uroi ekipin për sukses në të ardhmen dhe premtoi se do të vazhdojë të ndjekë Kombëtaren nga çdo vend ku të jetë.
