Një vajzë 2-vjeçare ka humbur jetën në Spanjë pas një incidenti tragjik, pasi mbeti e mbyllur për disa orë në makinën e babait të saj gjatë një dite me temperatura të larta.
Ngjarja ndodhi kur babai i fëmijës, pas lënies së fëmijës më të madh në shkollë, u shpërqendrua nga një telefonatë dhe nuk vuri re se vajza e vogël ishte ende në sediljen e pasme të automjetit. Kur nëna shkoi ta merrte në çerdhe, zbuloi mungesën e saj dhe njoftoi menjëherë emergjencën, por përpjekjet për të shpëtuar fëmijën nuk dhanë rezultat.
Autoritetet po hetojnë rrethanat e ngjarjes, ndërsa ky rast i trishtë shërben si paralajmërim për prindërit mbi rreziqet e lënies së fëmijëve të vegjël në makina gjatë ditëve të nxehta.
