Ka përfunduar protesta e mbajtur këtë të enjte në Tiranë kundër ndërtimeve në zonën e Zvërnecit, e cila shënoi ditën e pestë radhazi të tubimeve të qytetarëve në kryeqytet.
Mijëra protestues u mblodhën fillimisht në Sheshin “Skënderbej”, nga ku më pas marshuan drejt Kryeministrisë, duke kërkuar ndalimin e projektit në Zvërnec si dhe dorëheqjen e qeverisë dhe të kryeministrit Edi Rama.
Gjatë tubimit, qytetarët kanë thirrur në kor slogane të ndryshme kundër qeverisë, mes të cilave: “Edi Rama jep dorëheqjen”, “Rama në burg, Berisha në burg” dhe “Shqipëria e shqiptarëve, vdekje tradhtarëve”.
