Protesta qytetare e zhvilluar këtë të enjte para Kryeministrisë është zhvendosur në Sheshin Skënderbej, në qendër të Tiranës.
Pas më shumë se tre orësh qëndrimi përpara zyrës së kryeministrit Edi Rama, turmat e qytetarëve kanë nisur të vendosen në sheshin kryesor të kryeqytetit, ku thirrjet për mbrojtjen e territorit dhe dorëheqjen e qeverisë vijojnë pa ndërprerje.
Qytetarët përsërisin kërkesat e tyre, duke shprehur pakënaqësi ndaj politikave qeverisëse dhe duke kërkuar përgjegjësi për projektet që sipas tyre dëmtojnë interesin publik.
