Presidenti i Iranit, Masoud Pezeshkian, ka deklaruar se Teherani nuk synon të zhvillojë armë bërthamore, por do të vazhdojë të mbrojë të drejtën e tij për pasurimin e uraniumit, në prag të bisedimeve me Shtetet e Bashkuara të zhvilluara në Zvicër.
“Kjo nuk është asgjë e re dhe ne mund ta deklarojmë edhe me shkrim se nuk kemi ndërmend të ndërtojmë bombën. Megjithatë, ne nuk do të heqim dorë nga e drejta jonë për pasurim. Irani argumenton se kjo e drejtë garantohet nga Traktati i Mospërhapjes së Armëve Bërthamore (NPT), ku Teherani është palë nënshkruese, për sa kohë aktivitetet bërthamore kryhen për qëllime civile”, tha Presidenti i Iranit Masoud Pezeshkian, sipas presidencës iraniane.
