Gjykata e Posaçme e Apelit ka rrëzuar kërkesën e Eralbi Breçanit për ndryshimin e masës së sigurisë, duke lënë në fuqi vendimin për arrest me burg.
Breçani është nën hetim për trafikimin e 446 kilogramëve kokainë dhe dyshohet se ka vepruar në kuadër të një grupi të strukturuar kriminal. Ai u shpall në kërkim në nëntor 2023, u vetëdorëzua në Spanjë në prill të këtij viti dhe u ekstradua në Shqipëri në qershor.
Ndaj tij rëndojnë akuzat për trafikim të lëndëve narkotike, pjesëmarrje në grup të strukturuar kriminal dhe pastrim të produkteve të veprës penale.
