Dy persona kanë humbur jetën si pasojë e një aksidenti të rëndë rrugor të ndodhur pasditen e sotme në fshatin Qyrkan, Njësia Administrative Gostime, Bashkia Cërrik.
Sipas informacioneve paraprake, dy automjete janë përplasur me njëri-tjetrin.
Përplasja ka qenë e fortë, duke shkatërruar të dy mjetet, ndërsa njëri prej tyre ka dalë jashtë rruge.
Shërbimet e policisë dhe grupi hetimor ndodhen në vendngjarje dhe po punojnë për zbardhjen e rrethanave të aksidentit.
Identitetet e viktimave nuk janë bërë ende të ditura.
