Një person është arrestuar në Gjirokastër, pasi u kap duke transportuar 27 kilogramë e 600 gramë cannabis sativa.
Në flagrancë u kap M. G., 29 vjeç, banues në Gjirokastër.
Në aksin rrugor Kakavije-Gjirokastër, në vendin e quajtur “Kthesa e Sofratikës”, gjatë kontrollit të ushtruar në automjetin e tij tip “Toyota Yaris” u gjet kanabisi.
Në kërkim u shpall bashkëpunëtori i tij K. M. 28 vjeç, banues në Gjirokastër.
Në cilësinë e provës materiale u sekuestrua lënda e dyshuar narkotike, automjeti dhe tre aparate celulare.
Materialet në ngarkim të shtetasve të mësipërm i kaluan Prokurorisë pranë Gjykatës së Shkallës së Parë Gjirokastër, për veprën penale “Prodhimi dhe shitja e narkotikëve” e kryer në bashkëpunim.
/5pyetjet.al
