Nga Korça, Lulzim Basha u shpreh para demokratëve se dy nga dëshmitarët kyç të inceneratorëve janë shpallur në kërkim ndërkombëtar. Basha theksoi se ata mund të çojnë në burg gjysmën e qeverisë Rama.
“Dy dëshmitarë kyç për aferën e inceneratorëve, të cilët mund të çojnë prapa hekurave gjysmën e qeverisë, janë shpallur sot në kërkim ndërkombëtar. Nuk keni nga ta dini pasi trekëndëshi i Bermundës merret me teatër, shpif”, tha Basha.
Më tej, ai akuzoi Ramën se sot ka bërë një udhëtim me avion “charter” dhe për këtë shqiptarët paguajnë 120 mijë euro, sipas tij.
“A nuk duhet të flisnim sot se i pari i qeverisë ka marrë charter”-in dhe ka shkuar diku e ka ardhur, një fluturim kushton 120 mijë euro. Ju nuk e dini këtë pasi televizorët mbushen me propagandë”, tha Basha.
