Deputetja e Aleancës për Ardhmërinë e Kosovës, Albena Reshitaj ka kërkuar nga qeveria që të rishikojë masën për hyrjen në Kosovë, duke propozuar që kjo masë të zëvendësohet me bërjen e testeve të shpejta falas në kufi.
Reshitaj u shpreh se po të aplikoheshin testet para festave të fundvitit tashmë vendi do të ballafaqohej me një numër më të ulët të rasteve pozitive.
“Unë i propozoj Qeverisë së Kosovës që të rishikojë këtë masë dhe në vend të kësaj të vendosë në kufijtë tonë tokësorë dhe ajrorë testimet e shoejtë falas për qytetarët që hyjnë në vendin tonë ku në besueshmëri prej 90% për pak minuta mund të kuptojmë se ndonjë person i infektuar mund të futet në Kosovë. Po të kishte ndodhur një masë e tillë para festave të fundvitit jam e bindur që do të kishim një situatë krejt tjetër pa numër kaq të rritur të të infektuarve dhe me një monitorim më të mirë të situatës”, tha ajo./21Media