NATO nuk ka plane për të vendosur trupa luftarake në Ukrainë, një vend jo anëtar i NATO-s, në rast të një pushtimi rus, tha Jens Stoltenberg, sekretari i përgjithshëm i aleancës.
I pyetur nga televizioni BBC nëse ai përjashton dërgimin e trupave të NATO-s në Ukrainë nëse Rusia pushton, Stoltenberg tha: “Ne nuk kemi plane për të vendosur trupa luftarake në Ukrainë; ne jemi të fokusuar në ofrimin e mbështetjes”.
“Ka një ndryshim midis të qenit anëtar i NATO-s dhe të qenit një partner i fortë dhe i vlefshëm, si Ukraina. “Nuk ka dyshim për këtë”, shtoi ai.
/5pyetjet.al
