Kryeministri Albin Kurti nga Podujeva ka folur për shtrenjtimin e energjisë elektrike, raporton Ekonomia Online.
Ai ka deklaruar se më shumë se dy dekada ka pasur vjedhje në KEK dhe mungesë investimesh dhe nuk është e mundur të mos ketë as subvencionim, as shtrenjtim dhe as ndërprerje.
“Besoj që deri në orën 16:00 sot do të ketë mjaftueshëm propozime te Zyra e Rregullatorit për Energji në mënyrë që të gjendet zgjidhja më e mirë e mundshme në këtë krizë energjetike jo veç zgjidhje ideale por as optimale nuk ka. Nuk është e mundur të mos ketë as subvencionim, as shtrenjtim dhe as ndërprerje. Duhet bashkërisht të dalim nga kjo situatë, nuk jemi me fajin tonë. Çmimet e energjisë janë rritur në bursën ndërkombëtare, kurse më shumë se dy dekada ka pas vjedhje në KEK dhe mosinvestim”, tha Kurti.
