Po ashtu si një javë më parë, banorët e “5 Majit” në Tiranë kanë dalë në protestë para parlamentit, por këtë të enjte atyre u janë bashkuar edhe banorët e Paskuqanit, Laprakës e Kodrës së Priftit.
Me pankarta në duar, ata protestojnë kundër shembjes së banesave të tyre. Banorët kërkojnë të marrin një dëmshpërblim të plotë të banesave të tyre dhe t’u tregohet me saktësi se kur do t’i jepen në dorë çelësat e shtëpisë së re.
Banorët e 5 majit preken nga projekti i procesit rindërtimit, ndërsa banesat e Paskuqanit, Laprakës dhe Kodrës së Priftit preken nga projekti i ndërtimit të Unazës së Madhe, pjesë e urbanizimit të Tiranës.
