Deputeti i Partisë Demokratike të Kosovës Bekim Haxhiu i kërkon qeverisë Kurti të ndryshojë masat kufizuese që janë në fuqi për parandalimin e pandemisë së koronavirusit.
Haxhiu thotë se qeveria ka treguar paaftësi në menaxhim të situatës së krijuar nga COVID-19 dhe zbatimin e masave parandaluese që ka vendosur.
Ai ka thënë se shumë vende të BE-së i kanë hequr masat kufizuese, pasi sipas tij vdekshmëria nga Omicroni është më e ulët se e gripit sezonal.
Komenti i tij vjen disa orë para se komiteti i ekspertëve të mblidhet për rishqyrtimin e masave.
Postimi i plotë i tij:
Qeveria duhet ta shfuqizojë vendimin për masat kufizuese për COVID-19, dhe ta liroj vendin nga masat joefektive.
Çfarë masa janë këto, kur përsonat e diagnostifikuar me covid, e të karantinuar në Austri vijnë për pushime në Kosovë?!
Për çka ka vendos Qeveria kufizime kur të infektuarit nga shtetet tjera pa asnjë problem hyjnë në Kosovë, e në anën tjetër masat i respektojnë vetëm në kufirin me Shqipërinë.
Qeveria është treguar e paaftë në menaxhim të pandemisë dhe zbatim të masave që i ka vendos.
Masat kufizuese të Qeverisë po përdoren vetëm për ndëshkim të qytetarëve e bizneseve për mbushje të Buxhetit të Shtetit.
Vendet si Anglia, Franca, Danimarka, Norvegjia etj., tani i kanë hequr masat kufizuese, sepse hospitalizimi dhe vdekshmëria nga Omicron është më e ulët se e gripit sezonal.
Qeveria duhet të merr vendim të largoj masat kufizuese e të hapet vendi, pasi më nuk kanë asnjë kuptim masat në situatën aktuale.
