Çmimi i naftës pritet të ketë rritje edhe në 6 muajt e ardhshëm. Ministrja e Financave, Delina Ibrahimaj nga Bilishti tha se kjo rritje do të vazhdojë edhe për 6 muaj të tjerë, pasi sipas saj është e “detyruar” nga ana e bursës.
Megjithatë ajo ka premtuar se qeveria do të ndërmarrë masa për të ndihmuar “xhepin” e qytetarëve, por vetëm nëse rritja është konstante.
“Çmimi i naftës në Shqipëri, njësoj si në Zvicër? Do të publikojmë një analizë të detajuar. Do ta bëjmë publike që të gjithë të jenë të qartë se sa është pesha e taksave dhe e rritjes së çmimit dhe pse rritja me 8 lekë është ndikuar apo jo. Çmimet e bursës për naftën kanë muaj që kanë në rritje, ka që në vitin 2020, rritja do të vazhdojë edhe për një 6-mujor tjetër. Do të ketë një rritje tjetër nëse do të ketë në bursë. Qeveria mund të ndërhyjë me politika mbështetëse kur ka rritje të qëndrueshme,”-tha në fjalën e saj ministrja Ibrahimaj.
Çmimi i naftës në Shqipëri është rritur duke kapur vlerën e 194 lekëve për litër, duke hapur të njëjtën kosto si në Zvicër. /5pyetjet.al
