Ministri i Administrimit të Pushtetit Lokal Elbert Krasniqi tha se sot nuk pritet ndonjë vendim për ndryshimin e masave anti-Covid 19 në Kosovë.
Sipas tij, sot dëgjohen rekomandimet e ekspertëve të shëndetësisë dhe nëse do ketë propozime konkrete, ato do t’i kalojnë qeverisë.
“Sot mblidhemi në Komitetin shtetëror dhe dëgjohen rekomandimet, raporti dhe propozimet e profesionistëve të fushës, ku ne si qeveritarë jemi dhe duhet të jemi shumë të kujdesshëm. Pastaj propozimet eventuale, i kalohen kabinetit qeveritar për miratim. Pra, në këtë takim nuk ka as ndryshim, as lehtësim masash e as shtrëngim. Më tej, çfarëdo që ka i kalohet kabinetit qeverisës, meqë qeveria vendos”, deklaroi Krasniqi në “RADIO 1”.
