Prokuroria e Gjykatës Speciale në Hagë prej vitesh mban të fshehura provat që do të nxirrnin të pafajshëm krerët e UÇK-së. Kjo akuzë ka ardhur pikërisht nga mbrojtja e ish eprorëve të UÇK-së.
Prokuroria ka manipuluar gjykatësin e Gjykatës Paraprake, që nga nisja e hetimeve, ngritja aktakuzës dhe konfirmimit i saj. Prokuroria përmes fshehjes së provave ka bllokuar lirimin me kusht të krerëve të UÇK-së, edhe pse mbrojtja e tyre kishte bërë me dhjetëra kërkesa.
Kjo ishte pika që ka shqetësuar mbrojtjen e krerëve të UÇK-së. Avokati i ish-presidentit të Kosovës, Hashim Thaçi, Gregory Keohe, akuzon Prokurorinë për fshehjen e këtyre provave.
Keohe ka prezantuar disa fakte, të cilat dëshmojnë se Prokuroria ka fshehur deklaratën e ish-shefit të Misionit të OSBE-së në Kosovë, Dan Everts.
“Dhuna pas 1999 nuk ishte pjesë e një fushate të organizuar nga udhëheqësit shqiptarë”, kishte thënë Everts.
