Këtë të hënë është mbledhur Komisioni Hetimor për Inceneratorët, ku kryetarja Jorida Tabaku ka thënë se plani i hartimit për të thërritur dëshmitarë në seancë është miratuar.
Pjesë e listës së dëshmitarëve do të jetë kryeministri Edi Rama, zv.kryeministri Arben Ahmetaj, kryetari i bashkisë Erion Veliaj, administratorët e inceneratorëvë në tre qytete, Elbasan, Fier, Tiranë dhe ish-ministri Lefter Koka por që aktualisht ndodhet në qeli.
“Të gjithë anëtarët kanë marrë planin e hetimit. Ajo fillon që ditën e nesërme dhe përfundon më datë 25 shkurt. Nesër do të bëhet një seancë për të bërë një prezantim të dosjes së Fierit dhe nesër pas seancës, anëtarët e Komisionit kush do ka mundësi të bëj vizitë në inceneratorin e Fierit. Të mërkurën do të bëhet një vizitë në Iceneratorin e Elbasanit, ndërsa të premten në inceneratorin e Tiranës.
Javën e ardhshme do të thërrasim 3 grupe dëshmitarësh. Dëshmitarët që do të thërriten janë Edi Rama, Arben Ahmetaj, Erion Veliaj, Engjëll Agaçi. Javën pasardhëse do të thërriten Emiriana Sako, Mirel Mërtiri, Ariola Kodra, Faraudin Arapi, Lorana Dusha, Klodian Zoto, Stela Gugallja, Qazim Sejdini, Bukurosh Stafa, Aleksandra Bogdani, Artan Rama, Agron Lamko, Luigj Aleksi, Reida Kashta, Rovena Beqiraj, Armando Subashi. Pjesë e listës së dëshmitarëve është Lefeter Koka. Besoj që nuk do të jetë e mundur për ta thërritur atë, ne do bëjmë shkresën.
Ndërkohë janë 3 persona të shpallur në kërkim. Kështu, do të vijojmë me sugjerimin e zonjës Zhupa, për të thërritur administratorët. Me planin e hetimit të propozuar dhe rënë dakord, mund ta hedhim në votim. Pro planit të hetimit, kundër, abstenim, miratohet. Unë them me kënaqësi që pas 3 muajve do të thërrasim dëshmitarët për këtë hetim”, tha Tabaku.
/5pyetjet.al
