Presidenti Joe Biden dhe udhëheqësi i Gjermanisë Olaf Scholz u përpoqën të vendosnin një front të bashkuar të hënën në Shtëpinë e Bardhë, por një pikë kyçe penguese duket se mbeti pavarësisht premtimeve të tyre për unitet: e ardhmja e gazsjellësit Nord Stream 2.
Në Shtëpinë e Bardhë dhe në një intervistë në CNN, kancelari gjerman Olaf Scholz zbuloi një hendek midis tij dhe homologut të tij amerikan për Nord Stream 2.
Gjatë një konference për shtyp pas një takimi në Zyrën Ovale, Biden ishte i qartë se projekti nuk do të shkonte përpara nëse Rusia pushton Ukrainën.
Është qëndrimi që ai dhe zyrtarët amerikanë kanë mbajtur për javë të tëra dhe ka qenë një pikë kyçe e diskutimit me qeverinë e re Scholz, sipas zyrtarëve të lartë të administratës.
Në intervistën me CNN, Scholz përsëriti zotimin e tij për të qëndruar në linjë me SHBA-në, megjithëse përsëri nuk do të qartësonte synimet e tij për projektin Nord Stream 2.
Ndërkohë që ekspertët po spekulojnë për lëvizjen e ardhshme të Rusisë, që mund të varet nga moti. Edhe në shekullin e 21-të, lufta ndikohet nga moti dhe kjo mund të bëhet faktor në çdo ofensivë ruse në Ukrainë. Shqetësim është balta. Zakonisht ndikimi i saj ndihet më shumë në muajin mars, pasi bora fillon të shkrihet.
Analistët ushtarakë aludojnë nëse një vazhdim i dimrit të butë mund të ndikojë në planin për një ofensivë ruse.
Kremlini ka mohuar vazhdimisht se ka ndonjë qëllim për të sulmuar Ukrainën, por më shumë se 100,000 trupa ruse janë mbledhur afër kufijve të Ukrainës, së bashku me armë të rënda, tanke dhe raketa balistike.
/5pyetjet.al
