Familja e Pashko Ujkës, ish-deputetit që u vra më 29 Nëntor 2021 në Shkodër, ka vendosur që të japë shpërblim për këdo që jep informacione rreth autorit të ngjarjes.
Lajmin e ka bërë të ditur për emisionin Uniko, vajza e Pashko Ujkës, Ledisia Ujka.
Kjo e fundit bëri të ditur se familja e saj ka vendosur që të ofrojë 25 mijë Euro shpërblim për këdo që jep informacione dhe të dhëna për autorin e vrasjes së Pashko Ujkës.
Familja Ujka ka vendosur në dispozicion edhe numrin +355 67 61 75 086, duke garantuar anonimatin për cilindo qytetar që jep informacione.
Vajza e ish-deputeti thotë se kanë vendosur numrin e tyre personal dhe jo të policisë për arsye se nuk kanë besim. Ledisia Ujka ka theksuar gjithashtu se dosjen e vrasjes së Pashko Ujkës do ta hapin edhe në Itali për arsye se ish-deputeti ka patur nënshtetësi italiane.
/5pyetjet.al
