Aksident në Durrës/ Automjeti përplas motoçikletën, humb jetën një person, një tjetër në gjendje të rëndë
Një aksident i rëndë ka ndodhur mbrëmjen e sotme në lagjen numër katër të qytetit të Durrësit ku një automjet ka përplasur një person me motoçiklete. Si pasojë e aksidentit ka humbur jetën shtetasi F.K, Ndërsa ndodhet në gjendje të rëndë shtetasi D.H.
Aksidenti ka ndodhur rreth orës 22:45 të mbrëmjes së sotme, ku drejtuesi i mjetit mësohet se ka qenë personi me iniciale XH.M. Ndërsa personi që ka humbur jetën ka qenë pasagjer në motor.
Ndërkaq, policia dhe grupi hetimor kanë mbërritur në vendngjarje për të sqaruar rrethanat dhe shkaqet e aksidentit.
