Një efektiv policie mbeti i plagosur pasditen e së premtes në Saranda teksa u përplas nga një automjet.
Mësohet se efektivi i policisë është Robert Culli. Autori i dyshuar i ngjarjes është drejtuar në vendin e quajtur “Rrapi”, ku ka braktisur mjetin dhe është larguar në drejtim të paditur. Mësohet se ai ka pasur një armë në dorë dhe më pas e ka hedhur në drejtim të detit.
Gjatë kontrolleve me dron dhe skaf, është arritur të gjendet arma e zjarrit tip pistoletë në ujë, jo shumë larg detit. Raportohet se efektivi i policisë ka marrë dëmtime në pjesën e gjymtyrëve nga goditja me automjetin e autorit.
