Autoritetet serbe kanë porositur sasi të mëdha ushqimi teksa kriza Ukrainë-Rusi po përshkallëzohet, tha të premten presidenti Aleksandar Vuçiç.
Sipas CNN, ai deklaroi se autoritetet porositën 30 milionë kilogramë kripë dhe një milion kilogram bizele dhe fasule si dhe 30 milionë kilogramë miell dhe qumësht pluhur.
“Në një kohë kur e gjithë bota pret në mënyrë histerike që diçka të ndodhë mes Rusisë dhe Ukrainës, nuk mund të pretendoni se asgjë nuk po ndodh”, tha presidenti serb.
Vuçiç ka shtuar gjithashtu se furnizimet me karburant nuk janë siguruar ende.
