Policia e Kosovës ka bërë të ditur se ka arrestuar tre persona të cilët janë përleshur fizikisht.
Rasti ka ndodhur në rrugën “Zagrebi” në Prishtinë, të hënën rreth orës 14:30.
“Janë arrestuar tre të dyshuar, meshkuj kosovar që pas një mosmarrëveshje janë përleshur fizikisht në mes tyre. Si pasojë të dyshuarit kanë pësuar lëndime trupore dhe të janë çuar në spital”, thuhet në raport.
Me vendim të prokurorit pas marrjes në pyetje, dy të dyshuar u paraburgosën, ndërsa njëri hetohet në gjendje të lirë.
