Gjashtë anëtarë të Gjykatës Kushtetueses votuan kundër shkarkimit të Ilir Metës nga posti i Presidentit të Republikës së Shqipërisë dhe vetëm një anëtar votoi pro shkarkimit të tij.
Ndërkohë është mësuar votimi i plotë me emrat e anëtarëve të Kushtertueses. Bëhet e ditur se i vetmi anëtar që ka votuar pro shkarkimit të Ilir Metës ka qenë Altin Binaj.
1- Vitore Tusha kundër shkarkimit
2- Elsa Toska kundër shkarkimit
3-Marsida Xhaferllari kundër shkarkimit
4- Fiona Papajorgji kundër shkarkimit
5- Përparim Kalo, kundër shkarkimit
6- Sonila Bejtja kundër shkarkimit
7- Altin Binaj Pro shkarkimit
Kush është Altin Binaj?
Altin Binaj ka ndjekur 26 veprimtari trajnimi afatshkurtra në pjesën dërmuese të tyre në Shkollën e Magjistraturës Tiranë si dhe në Poloni, Rumani, SH.B.A, Itali, Spanjë, Moskë, Kosovë, Belgjikë, dhe Kroaci. Binaj ka qenë hetues, për periudhën 1992 – 1997, në Prokurorinë e Rrethit Vlorë, Prokuror, për periudhën 1997-2008”, në Prokurorinë e Rrethit Gjyqësor Vlorë, Prokuror dhe drejtues, për periudhën 2008 –2010, në Prokurorinë e Rrethit Gjyqësor Fier. Prokuror dhe drejtues, për periudhën 2010 – 2013”, në Prokurorinë e Rrethit Gjyqësor Durrës. Prokuror, për periudhën 2013 – 2016”, në Prokurorinë e Përgjithshme Tiranë. Prokuror dhe drejtues, për periudhën 2016 e në vijim, në Prokurorinë e Apelit Vlorë.
Në momentin e vlerësimit, ky kandidat ka gjithsej 28 vjet e 4 muaj e 9 ditë vjetërsi në profesion, duke plotësuar kriterin e vlerësimit “vjetërsia në profesion”.
Binaj ka kaluar me sukses vetingun dhe verifikimit të pasurisë personale dhe të familjarëve. Rezulton se kandidati ka përfunduar studimet universitare me notë mesatare 8.2, po ashtu kandidati ka ndjekur rregullisht trajtimet vazhduese në Shkollën e Magjistaturës.
