Ambasadori i Britanisë së Madhe në Tiranë Alastair King-Smith nëpërmjet një deklarate për zgjedhjet e 6 Marsit shprehet se është një mundësi për partitë dhe kandidatët që të parashtrojnë programe të qarta politike që u nevojiten qytetarëve. King-Smith shprehet se qytetarët shqiptarë meritojnë një fushatë të drejtë, gjithëpërfshirëse dhe transparente, pa retorikë të dëmshme apo intimidime.
“Fushata për zgjedhjet e pjesshme vendore të 6 marsit fillon sot. Kjo është një mundësi për partitë dhe kandidatët që të parashtrojnë programe të qarta politike që u përgjigjen nevojave të qytetarëve në nivel vendor.
Qytetarët shqiptarë meritojnë një fushatë zgjedhore të drejtë, gjithëpërfshirëse dhe transparente, pa retorikë të dëmshme apo intimidime, si dhe të bazuar në respekt të ndërsjellë. Inkurajojmë të gjithë votuesit të marrin pjesë ne zgjedhje dhe ta bëjnë zërin e tyre të dëgjohet”, shprehet King-Smith.
/5pyetjet.al
