Instituti Kombëtar i Shëndetësisë Publike, ka apeluar tek qytetarët, që të respektojnë masat anticovid dhe marrjen e vaksinës në mënyrë të mbrojtjes kundër virusit.
IKSHPK ka thënë se me shfaqjen e Omicron, është duke u rritur numri i rasteve me virusin covid 19 dhe se situata mund të përkeqësohet në ditët në vijim.
Më tej, Instituti ka bërë thirrje për mosgrumbullim dhe vendosjen e maskave në çdo vend.
“Situata epidemiologjike mund të përkeqësohet edhe më shumë ditët në vazhdim, andaj IKSHPK apelon tek të gjithë qytetarët që të respektohen masat e Qeverisë së Republikës së Kosovës. Për shkak të rrezikshmërisë së lartë të përhapjes së COVID-19, bëjmë thirrje në veçanti për kujdes dhe mosgrumbullim. Ndërsa, rekomandojmë institucionet përgjegjëse të mbikëqyrin me përpikëri dhe të ndërmarrin të gjitha veprimet e nevojshme për zbatimin e masave për parandalimin dhe luftimin e pandemisë”, ka thënë thënë në njoftim IKSHPK./5pyetjet.al
