Ish-ministri Shkëlqim Cani dha sot dëshminë në Komisionin Hetimor për Inceneratorët duke shpjeguar pozicionin e Ministrisë së Financave që drejtoi deri në shkurt 2016 në lidhje me ndërtimin e impianteve të përpunimit të mbetjeve.
Ai theksoi se kërkesa e institucionit që ai drejtonte ishte që inceneratorët të ndërtoheshin me paratë e privatit, të shihej efiçenca e tyre dhe më pas të bëhej pagesa nga buxheti i shtetit, por që ndodhi e kundërta pas largimit të tij.
Në fund, pasi mbaroi dëshminë, ai kishte edhe një mesazh, që dukej se shkonte për qeverinë, e cila nxitoi duke i mbyllur kontratat për inceneratorët në kohë rekord, sipas opozitës.
“Unë ju uroj punë të mbarë. Mu kujtua diçka që do ta them. I mençuri edhe mund të ngutet, por nuk nxiton.
Dëmi Shqipërisë në fakt më shumë i vjen nga ata që nxitojnë dhe që asnjëherë nuk janë në kohën dhe vendin e duhur” e mbylli ai.
/5pyetjet.al
