Ambasada amerikane në Tiranë është përfshirë në fushatën e zgjedhjeve të pjesshme lokale në Shqipëri, që do të zhvillohen në datë 6 mars në 6 bashki të vendit.
Mëngjesin e sotëm, shefja e diplomacisë amerikane në Shqipëri u ka drejtuar një pyetje kandidatëve të Sali Berishës që garojnë në koalicionin “Shtëpia e Lirisë”.
Yuri Kim pyet kandidatët nëse e dinë që Sali Berisha është shpallur non grata dhe çfarë u premtojnë qytetarëve, kur nuk do ta kenë mbështetjen e SHBA-së?
“Pyetje për kandidatët: Nëse drejtuesi juaj kryesor është dikush i caktuar nga SHBA për korrupsion të konsiderueshëm, çfarë saktësisht po u premtoni votuesve?
Kush do t’ju mbështesë nëse fitoni dhe çfarë do t’u detyroheni atyre? Çfarë duhet të presin shqiptarët? Çfarë duhet të presë SHBA?“, shkruan ajo.
SHBA i është “qepur” këmba këmbës Sali Berishës që kur e shpalli non grata, por ish-kryeministri është rikthyer më aktiv se kurrë në politikë.
/5pyetjet.al
