Ukraina dhe populli i saj presin që Serbia të dënojë vendimin e Federatës Ruse, tha ambasadori në largim i Ukrainës në Serbi, Oleksandr Aleksandroviç.
Aleksandroviç komentoi pasi Vuçiç tha se Serbia mbështet sovranitetin territorial të Ukrainës.
“Kjo është e mrekullueshme, sepse Ukraina respekton sovranitetin territorial të Serbisë, përfshirë Kosovën. Por është e rëndësishme që të hidhet hapi i dytë, sepse sjellja e djeshme e Putinit është drejtpërdrejt kundër sovranitetit dhe integritetit territorial të Ukrainës”, tha ai.
Ai iu referua deklaratës së mbrëmshme të Vuçiçit, i cili tha se këto ngjarje po shkatërrojnë të gjithë strukturën politike dhe të sigurisë në botë.
“Jam dakord me këtë. Por Federata Ruse është i vetmi vend që po e shkatërron këtë strukturë sigurie”, përfundoi ai.
/5pyetjet.al
