Pasi Putin mori leje nga Duma, tanket rusë janë nisur në drejtim të Ukrainës. Një karvan ushtarak i përbërë nga më shumë se 100 kamionë me ushtarë u pa duke u nisur drejt kufirit ukrainas në rajonin Belgorod të Rusisë, tha një dëshmitar okular për Reuters. Në zonë janë parë të lëvizin edhe një numër i madh tankesh.
Këshilli i Federatës votoi njëzëri për të miratuar përdorimin e forcës ushtarake nga Putin jashtë Rusisë, duke zyrtarizuar operacionin ushtarak rus në zonat e kontrolluara nga rebelët.
Këshilli i Federatës vendos t’i japë Presidentit të Federatës Ruse miratimin e tij për dislokimin e Forcave të Armatosura Ruse jashtë vendit në bazë të parimeve dhe rregullave të pranuara përgjithësisht të së drejtës ndërkombëtare. Numri i përgjithshëm i njësive të Forcave të Armatosura të Federatës Ruse, fushat e tyre të veprimit, objektivat e vendosura para tyre, kohëzgjatja e qëndrimit të tyre jashtë vendit, përcaktohen nga Presidenti i Federatës Ruse në përputhje me Kushtetutën e Federatës Ruse.
Putin u konfirmoi gazetarëve se Rusia kishte njohur “kufijtë” e zgjeruar të dy zonave të kontrolluara nga separatistët në Ukrainën lindore .
“Ne i kemi njohur ‘shtetet’. “Kjo do të thotë se ne kemi njohur të gjitha dokumentet e tyre themelore, përfshirë Kushtetutën,” u citua të ketë thënë Putin nga mediat ruse.
Në të njëjtën mënyrë, zëdhënësi i Kremlinit Dmitry Peshkov tha se Rusia kishte njohur pavarësinë e territoreve të kontrolluara nga separatistët brenda kufijve të saj, të cilat fillimisht i kishte shpallur një “demokraci popullore” dhe u shkëputën nga Ukraina në 2014.
