Tensione mes Greqisë dhe Turqisë. Një përplasje mes një mjeti lundrues të Rojes Bregdetare greke dhe një ose dy mjeteve të peshkimit turk ka ndodhur pasditen e së martës në brigjet e Oinousses.
Mediat në Athinë shkruajnë se anijet turke të peshkimit po peshkonin në ujërat territoriale greke. Ekuipazhi i Rojes Bregdetare tentoi të largonte anijet turke të peshkimit nga zona bregdetare greke, por peshkatarët turq reaguan.
Po ashtu mediat greke raportojnë se ka pasur të shtëna nga roja bregdetare greke për të nxjerrë jashtë ujërave territoriale anijet turke të peshkimit.
Pala turke pretendon se nga të shtënat është plagosur një peshkatar turk. Ky informacion nuk është konfirmuar nga Ministria e Transportit Tregtar dhe Roja Bregdetare.
/5pyetjet.al
