Kryetari i PD-së, Lulzim Basha i bëri thirrje SPAK-ut që të veprojë për të arrestuar të gjithë personat e përfshirë në dosjen e inceneratorëve, pasi në të kundërt opozita e drejtuar prej tij do të përshkallëzojë veprimet.
“Nëse drejtësia nuk e bën këtë punë, atëherë pa diskutim është koha për të ndërmarrë hapa të tjerë, për të cilët ne do u mbajmë të informuar” tha Basha.
Në fund, Basha ra në kurthin e një batute të Edi Ramës që bëri dje në komisionin hetimor. Gazetari e pyeti nëse ka një koment për batutën e Ramës, që “nëse ai (Basha) shkon në burg nuk do ta përmendë”.
“Unë nuk kam ndërmend të bie në nivelin e batutave të Edi Ramës, por nëse do të bija do i thosha që në burg do të shkoja për t’i çuar cigare apo për ndonjë gjë që mund të ketë nevojë ai.
Nuk do ta bëj. Por ja që rashë në kurthin e batutës” tha Basha duke e kaluar me buzëqeshje.
/5pyetjet.al
