Deputeti i PD-së, Dashnor Sula u përfshi në një replikë me akuza dhe kundër akuza me zv/ kryeministrin Arben Ahmetaj gjatë fjalës së tij në foltoren e Kuvendit. Për të qetësuar situatën, ndërhyri kryetarja e Kuvendit, Lindita Nikolla.
Debati në Kuvend
Dashnor Sula: Nuk është e gjithë shumica e korruptuar, zonja këtu, këto dy vajzat e reja (Bora Muzhaqi dhe Edona Bilali), u thashë edhe një ditë në komision, “mos u prishni si ministrat e tjerë që janë korruptuar”. Ato dy vajza të nderuara që nuk janë përfshirë në korrupsion, gjej rastin t’i falënderoj.
Ndërhyn nga vendi Arben Ahmetaj
Dashnor Sula: Ti zoti zv/ kryeministër, nuk kam gjë, se ti je qelibar. Nuk thash gjë. Unë ty të gjykoj me rrënjë dhe dhëmballë se të njoh nga 1987.
Arben Ahmetaj: Më ngatërron
Dashnor Sula: Sigurisht se ke ndërruar emrin dhe shumë gjëra të tjera.
Ndërhyn sërish nga vendi Arben Ahmetaj
Dashnor Sula: Merru, merru se deri këtu ke arritur. Nuk dua ta përmend emrin shumë sepse mund të ndyj edhe veten. Me kaq mund ta lë debatin.
Lindita Nikolla: Zoti Ahmetaj mos flisni nga vendi.
/5pyetjet.al
