Një avion i transportit ushtarak rus, i tipit Antonov-26, është rrëzuar mbrëmjen e së enjtes në rajonin Voronezh, pranë kufirit me Ukrainën, ndërsa ishte duke transportuar pajisje ushtarake.
Lajmi raportohet nga CNN ndërsa fillimisht është bërë i ditur nga agjencia shtetërore e lajmeve ruse, RIA.
“I gjithë ekuipazhi vdiq”, konfirmohet në një deklaratë të shkurtër, por pa theksuar se sa persona ishin në bordin e avionit.
Sipas medias ruse, avioni është rrëzuar për shkak të një problemi në motor.
