Ekspertja nga Maqedonia e Veriut, Frosina Remenski thotë se sanksionet e BE-së ndaj Rusisë po mbështeten nga të gjitha vendet e rajonit, përveç Serbisë. Ajo shton se Serbia nuk mund të jetë neutrale, pasi armatoset nga Rusia.
“Tani shohim pozicion edhe të fqinjit tonë verior, Serbisë rreth sanksioneve. Ata janë të rezervuar, por nuk do të them se janë neutralë sepse kanë komponentin e armatimit nga ana e Armatës së Rusisë. Pajisen me armatim rus, nuk mund që kjo të jetë neutrale në asnjë rast”, tha Remenski duke shtuar se Serbia po përpiqet të sigurojë energjinë dhe të rrisë rezervat ushqimore.
