Forcat e Armatosura shqiptare do të shtojnë më tej kontributin me trupa në misionin e NATO-s në Kosovë, KFOR.
Kjo u konfirmua nga ministri i Mbrojtjes i Shqipërisë, Niko Peleshi, që ka pritur komandantin e KFOR-it, gjeneral-major Ferenc Kajári, në kuadër të vizitës së këtij të fundit në Shqipëri.
“Të dy bashkëbiseduesit, ndanë mendime mbi situatën aktuale të sigurisë në kufijtë lindorë të Aleancës dhe impaktin që këto zhvillime mund të kenë në rajonin tonë. Për këtë, Peleshi kërkoi vëmendje të shtuar të KFOR-it, në mënyrë që t’i paraprijë situatave që mund të lindin si rrjedhojë e këtyre zhvillimeve”, thuhet në njoftimin e Ministrisë së Mbrojtjes të Shqipërisë.
