Ukrainasit duket të vendosur më shumë se kurrë për të mbrojtur vendin e dytë. Jo vetëm ushtarët janë me një moral të lartë, pas 4 ditësh luftimi, por edhe banorët, të cilët po mundohen me të gjitha mënyrat për të ngadalësuar sa më shumë avancimin e rusëve.
Një video është postuar mëngjesin e sotëm, e cila mendohet se është filmuar në Koryukivka, në rajonin Chernihiv.
Një grup banorësh, edhe pse të paarmatosu, kanë arritur të ndalojnë avancimin e tankeve ruse. Të gjithë së bashku ata kanë ecur në drejtim të tankeve ruse, duke i detyruar ata të kthehen pas.
Ndërkohë, ushtria ukrainase ka shpërndarë një udhëzim për qytetarët ukrainas në lëvizjen e tyre të rezistencës civile. Sipas BBC, ajo u bën apel atyre të përdorin të gjitha mënyrat dhe mjetet e nevojshme për të luftuar. “Pavarësisht nëse keni armë ose municione ose jo, ju duhet të përdorni të gjitha mënyrat dhe mjetet që ju gjenden për të luftuar”, thuhet në deklaratë.
Udhëzimi i sugjeron atyre të sajojnë mjete mbrojtëse në rast sulmi, në kushte shtëpie.
- Hiqni tabelat rrugore
- Rrëzoni pemët për të bërë të pamundur lëvizjen
- Përdornin pajisje shpërthyese të bëra në shtëpi
- Shkatërroni qendrat kryesore të transportit
- Punoni më shumë gjatë natës ose muzgut
