Agjencia e Kombeve të Bashkuara për refugjatët bëri të ditur këtë hënë se më shumë se 420 mijë qytetarë kanë braktisur Ukrainën si pasojë e luftës me Rusinë, e cila është sot në ditën e saj të pestë.
Ndërkohë, dramat kanë qenë të mëdha, veçanërisht të fëmijët. Një video e një vogëlushi që po largohet nga Kievi është bërë virale së fundmi në internet.
Ai është filmuar teksa është në tren duke u larguar nga kryeqyteti i Ukrainës dhe mes lotësh rrëfen dramën që është duke përjetuar. “Ne e lamë babanë në Kiev. Ai do të ndihmojë heronjtë tanë, ushtrinë tonë”, thotë djali i përlotur, teksa thjesht i largohet Kievit pa e ditur se ku do të shkojë dhe kur do të kthehet sërish në vendlindjen e tij.
