Lufta vazhdon në disa prej qyteteve kryesore të Ukrainës, edhe pse delegatë nga Kievi dhe Moska u ulën për bisedime në Bjellorusi.
Situata e fundit nga lufta;
- Bisedimet në vazhdim: Një takim midis delegacioneve ukrainase dhe ruse në Bjellorusi filloi të hënën. Delegacioni i Ukrainës përfshinë disa zyrtarë të rangut të lartë, por jo presidentin Volodymyr Zelensky. Ukraina kërkoi një “armëpushim të menjëhershëm dhe tërheqje të trupave ruse” përpara takimit.
- Ukraina mposht forcat ruse: Forcat ruse kanë “ngadalësuar ofensivën e tyre” por “ende po përpiqen” të marrin tokën ukrainase. Pjesa më e madhe e forcave tokësore ruse janë ende më shumë se 30 kilometra në veri të Kievit, tha të hënën Ministria e Mbrojtjes e Mbretërisë së Bashkuar.
- Më shumë civilë të vrarë: Numri i fundit i vdekjeve të civilëve në Ukrainë është 102, me 304 persona të plagosur, por shifra e vërtetë dyshohet të jetë “dukshëm më e lartë”, tha të hënën Michelle Bachelet e OKB-së. Numri i të vdekurve përfshinë shtatë fëmijë, tha Bachelet. Ministria e Brendshme e Ukrainës publikoi shifra më të larta të dielën, 352 civilë të vrarë.
- Bjellorusia mund t’i bashkohet pushtimit: Një zyrtar i qeverisë ukrainase i tha CNN se inteligjenca e Kievit tregon “gatishmërinë e Bjellorusisë për të marrë pjesë ndoshta drejtpërdrejt” në pushtimin e Ukrainës. Një burim i dytë pranë qeverisë ukrainase tha se administrata Biden ka përcjellë paralajmërime të ngjashme.
- Ekonomia ruse: Presidenti rus Vladimir Putin do të mbajë një takim të hënën me këshilltarët e tij kryesorë ekonomikë mes pasojave masive nga sanksionet perëndimore, tha Kremlini. Bursa e Moskës nuk do të hapet të hënën, pasi rubla ra me shpejtësi.
- Ukraina kërkon të anëtarësohet në BE: Zelensky i kërkoi Bashkimit Evropian të hënën që “të pranojë urgjentisht Ukrainën” në bllok. “Qëllimi ynë është të jemi me të gjithë evropianët dhe të jemi të barabartë me ta. Jam i sigurt që e meritojmë. Jam i sigurt se është e mundur,” tha ai në një mesazh televiziv.
- Kërcënimi bërthamor: Sekretarja e shtypit e Shtëpisë së Bardhë Jen Psaki tha të dielën se vendimi i presidentit rus Vladimir Putin për të vënë në gatishmëri të lartë forcat e parandalimit të Rusisë, të cilat përfshijnë armët bërthamore, është pjesë e një modeli më të gjerë të përshkallëzimit të paprovokuar dhe “kërcënimeve të prodhuara” nga Kremlini.
/5pyetjet.al
